月月十六個月

活動能力方面

依個月小姐越來越可愛!!  每次和人byebye之後, 一定會附加多個飛吻!  講開'吻', 佢見到自己心愛的公仔, 亦會情不自禁親親!  見到其他小朋友, 總係想又攬又錫!  次次見住佢好肉緊咁攬住人, 我真係覺得佢好可愛!! 但係月月對成人既反應好唔同, 永遠都係cool到爆, 唔會so你, 唔會比你抱!! 除非佢認得你 or 你話同佢去睇魚魚啦!!

近一兩個星期開始嘗試係家中不穿片片, 當然有失敗過啦 (即賴濕左)! 第一次失敗時, 我大叫: 姐姐...賴左呀!  月月立即好驚咁喊, 我諗佢知道濕濕係唔好既事!  但其實錯真的不在她, 所以我都同月月解釋返, 濕濕係唔關佢事, 下次要wewe, 就話比我地知了!  不過之後都試過幾次賴左, 仲有一次係岩岩訓醒, 我又唔醒起要立即同佢wewe, 結果攪到我個身同床濕晒!  但其實只要我同姐姐, 隔兩個鐘左右同佢去一次 (訓中冇事, 訓醒先去), 基本上佢唔穿片都ok了!

自月月一歲識行開始, 我便開始訓練佢換完片之後自己掉去垃圾筒, 而依4個月以黎, 佢都係自己掉的, 每次掉完我同樹daddy會拍掌鼓勵, 月月自己亦會拍掌鼓勵自己架!!

小手指的活動, 控制能力也強了! 可以將一些小棒子放入小窿中! 以下的video是半個月前在playgroup拍的, 現在比那時掌握得更好了

手控制得好, 可以開始試下畫畫!!

而玩'sir'滑梯可以不用人協助自己完成!

又冇變的是牙仔方面, 都係得8隻!!

飲食方面

大個囡, 可以食多不同類型既食物, 所以出街方便左好多! 有時就算去全日, 都係攞一支奶就算!  餓就食街外食物啦, 但當然以清淡為主!

另基本上一日4餐奶+2餐糊/飯仔+餅餅+生果+芝士+乳酪+糖

<十六個月食corn corn>

語言方面

今個月講多左好多野!!

之前已識: 爹爹, 爸爸, mama, bird, 踢, 汪汪, blue, duck, corn, gogo, frog, 捉佢, 橙, moon

以下是新增的: 婆婆, 爺爺, 姐姐, 姨姨, 哥哥, 抱抱, 唔好, 車, car, ball, A, B, C, D, E, two, four, six, eight, ten

聽的能力亦好強, 好多指令都可以做到, 叻囡!