$699去菲律賓

報左團! 報左團lu!

6月28日出發, 去3曰2夜,

不過join唔到同奇趣同一個團呀!

因為如果要6月29日(即同佢同一日),

要$1099呀~ (但奇趣報團時就$899)

其實$1099都唔係貴,

但早一日出發, 就變成$699!!

咁緊係選擇後者啦~

住既酒店係賭場風雲中既克拉克渡假城

http://www.jimei.com.hk/jimeigroup/unit_clark/indro.htm

我地五個人會有一間獨立屋,

嘩哈哈~~~~

諗起都興奮呀~~~

但唔知到時唔知可唔可以同奇趣相遇呢?

我記得第一次去菲律賓, 就係同佢去,

當時我地又係報埋依d$1000都唔駛既cheap團,

不過多年後既今日, 團費依然好平!

奇趣o個時好攪笑, 夜晚怕鬼睡不到,

要我等佢睡左我先可以睡!

大家估下我有冇睬佢呀??

 

 

死期

今天是我一位好朋友的女友的妹妹結婚的大日子,

好複雜的關係啊!

但又與我何干呢?

事實上真的與我沒關係,

不過, 我朋友說今天是他的死期,

因為要出席今晚的晚宴,

還要坐主家席!

他極不願意, 但又不去不可!

壓力相當大~

我明白他的心情,

因為他是一個很怕出席親友飯局的人,

平時和女友家人吃飯,

都十萬個不願意,

更何況今晚是有成千上萬的'姨媽姑姐'空群而出!

可能又會問問他 ' 何時到你?' 等問題....

我看著他....

也替他難為!

因為他有結婚恐懼症呀!

根本沒想過短期內結婚.

但女友的妹妹又嫁了,

做姐姐的女友當然有顆恨嫁的心,

奈何.......

 

又係芝士波

多謝Sweet Panda介紹依隻芝士波比我,

真的好好好好味,

很有紳士牌的感覺,

而且仲超越左紳士牌係我心目中既地位!

不過相對價錢貴好多,

要成$16一筒,

$16, 可以係10分鐘內消失於空氣中,

有點不化算

另一款芝士圈,

你地係咪講依款呀?

美女大聯盟

今晚銅鑼灣特別熱鬧,

除左因為Sogo減價外,

當然有一班靚女出現啦~

 

真係令到銅鑼灣生色不少

今晚真係好開心,

我收到好多禮物呀~~

有carcar送既Anna Sui唇膏,

有Sweet Panda送既cookies, memo pad 同鑰匙扣,

仲有BBYee既Coca Cola cushion!

真係好多謝大家既心意呀!

亞樹急不及待要攬住個新cushion啦!

而我......

已經把Sweet Panda做的白朱古力cookie,

食左一半喇!!

 

下面張相係V&E個blog度偷番黎架~

 

我做左小偷呀!

 

Yenley, 唔好拉我~~~

大件事~唔記得帶相機!!

O! My God!

我今日居然唔記得帶相機呀!!!!!

咁今晚點同各位美人影相呀?

雖然我冇相機,

但我竟然有SD card,

有冇人可以可憐下我,

到時借部相機一用

我既報酬係...

咀你三次~~

我最欣賞日本的地方

三月時去日本honeymoon,

返到香港一直都好懷念北海道的魚生

因為實在太正太新鮮了, 講起都想食!

但有另一樣東西, 我都同樣覺得好正!

就係..........

日本既洗手間!!

無論我去到機場, 酒店,

大型shopping mall, 甚至小小的食店,

只要有洗手間,

那個坐廁就會有洗patpat的功能!

加埋有暖水,

真係.......令人唔想走!!

有些坐廁仲有埋暖風功能,

(下面那相有show)

真係....一絕!

好佩服日本人的細心!

假如! 假如有一天,

這些坐廁跌價到$3000,

我一定買一個回家慢慢嘆!!!!

諗食咩餸諗到頭都爆

有時諗煮咩餸都幾煩下!

又想易煮得黎又好味~

最好一餐三十大元可以埋單!

但發現原來三十蚊budget真係好有限

仲未計煤氣, 人工

出街食都係七八十蚊,

你地覺得自己煮好d定出街食好d呢?

不過自己煮的確有樂趣~ (當然事後唔駛洗碗啦)

昨晚就煮了沙爹粉絲金菇肥牛

同埋

上湯浸小白菜

本世紀最佳律師故事

有名律師買了一盒極為稀有且昂貴的雪茄，還為雪茄投保了火險。 

結果他在一個月內把這些頂級雪茄抽完了，

保險費一毛也還沒繳，卻提出要保險公司賠償的要求。

在申訴中，律師說雪茄在「一連串的小火」中受損。

保險公司當然不願意賠償，理由是：此人是以正常方式抽完雪茄。

結果律師告上法院還贏了這場官司。

法官在判決時表示，他同意保險公司的說法，

認為此項申訴非 常荒謬，

但是該律師手上的確有保險公司同意承保的保單，

證明保險公司保證賠償任何火險，

且保單中沒有明確指出何類「火」不在保險範圍內。  

因此，保險公司必須賠償。

與其忍受漫長昂貴的上訴過程，

保險公司決定接受這項判決， 並且賠償美金一萬五千元的雪茄「火險」。

以下才是最精彩的地方：

律師將支票兌現之後，保險公司馬上報警將他逮捕，

罪名是涉 嫌 "縱火案"！

由他自己先前的申訴和證詞，

這名律師立即以「蓄意燒毀已投保之財產」的罪名被定罪，

要入獄服刑二十四 個月，並罰款美金二萬四千元。

以上為真實的故事，並且獲選為「近期犯罪律師競賽獎」的第 一名～

這種事，也只是有在美國才會發生！

菲律賓

昨天亞樹同我講佢六月初可能要去馬尼拉training,

 

我問佢會唔會stay behind玩多兩三日,

 

咁我就可以跟埋去.....

 

點知一check機票,

 

package要over$2900(單人3D2N),

 

機票最平都要成$1600 (唔連tax),

 

都好似唔係好化算,

 

而且我同佢d時間又唔知點就.......

 

打算放棄去啦!

 

點知, 頭先睇奇趣個blog,

 

佢剛報名join左一個$799既菲律賓團.....

 

嘩~~好抵呀, 好想立即去食芒果雪糕!

 

不如自己join團好過跟佢去training啦~~~

 

$799x2都唔駛$1600!

 

希望亞樹肯去啦!

芝士圈

大家係咪講緊依隻芝士圈? 

哈哈, 我家中都有存貨!

都係o係冇紳士牌之後先開始買,

佢比扮紳士牌既味道好好多....

不過....我都係很想念原味既芝士波呀!!

紳士牌芝士波

唔知大家鍾唔鍾意食紳士牌芝士波?

又唔知大家有冇發現紳士牌芝士波已經冇出好耐呢?

我身為佢既粉絲, 雖則不是超級,

但時不時都好懷念佢,

亦試過用新推出, 扮紳士牌既芝士波代替佢!

結果當然唔成功啦!

扮既始終係扮,

都冇香濃既芝士味,

從此之後, 我就冇再食芝士波~

但依家好想好想食呀~~~~~~~~~~~~~~~

勁!

剛剛和媽媽傾完電話, 她說手術好成功! 

今天已聽得很清楚, 完全無問題~

她說估不到可以再次有聽覺,

因為之前只可聽到一點點,

而每次見到我們要很大聲她才聽得到,

所以都不敢打電話給我,

怕我講電話不方便~

現在可說是康復了,

從她的聲音可聽出,

媽媽真的好高興!

 

母親節母親入院了

今天是母親節, 但我媽媽入院了,

 

其實不是因為身體突然有什麼問題,

 

只是兩年前她生cancer, 令到她的聽覺變差,

 

醫生說要做手術, 把一條小小的管子放進耳朵,

 

希望可以對她的聽覺有所改善!!

 

入院前, 和她一起吃晚飯,

 

其實應該是下午茶, 因為五時便吃......

 

我告訴她我今個星期發燒,

 

她便很緊張地問我為何發燒!

 

發燒? 我自己也不知是什麼原因呢~~~~

 

今次生病後, 令我更想搬回香港仔區,

 

但我知一定不是短期內的事.....

 

吃飽後便去坐小巴~

 

可能今天是母親節的關係,

 

醫院人影都不多~~

 

我們去急症室旁辦理入院手續,

 

傳說中的人山人海見不到,

 

還聽見剛登記的人很驚訝的說: 咁快到我?!!

 

我們辦好手續後便上病房,

 

打算由正門進入,

 

但.......正門不見了!!!

 

你們估下一間香港一級公立醫院的正門變了什麼??

 

答案是.......

 

 Starbucks!

 

我和妹妹都很吃驚!

 

因為真的沒想過正門的位置是會改變的!

 

而新的'正門'比後門更隱秘!

 

我們在想, Starbucks何以那麼厲害,

 

連醫院正門的位置都有能力拿到手??

 

佩服! 佩服!

511晚餐

今日提早放工, 亞樹又可以早走, 我們便一起去吉之島shop一shop....

成日見到sweet panda, bingoncookie整cookie, 自己唔識整, 但又為食, 終於忍唔住買了一包. 問亞樹好唔好味, 佢居然好直接話唔好味! 嘩~好彩唔係我整, 唔係就hurt爆!!

返到家中, 可能今天食了藥, 很倦~ 一睡便九點了. 亞樹依然睡睡睡!!

今晚煮了XO醬西籣花炒硯肉

 

蝦膠讓鮮菇

 

不是豐富但是滿足的一餐

兩個月

今日是結婚兩個月的大日子,

不知不覺便兩個月了,

無聊的我, 總想去慶祝一番!

但今天身體還有些不舒服,

喉嚨很痛, 而頭有些暈,

想快快做完手頭上的工作便回家去....

 

做咩咁黑架?

我諗我既黑氣仲未過!!

昨日原本好精神咁等收工去玩啦~

點知5:30開始好似有d唔舒服,

6:30走人時,

去到公司樓下就真係好唔得,

手震, 全身僵硬...

但因為係食私房菜既關係,

我真係冇得唔去,

咁點都要頂住頂住~~~

食既時候, 我真係冇咩胃口!

冇食慾之餘仲口淡淡~

浪費左美味既一餐.

d魚生雖不及北海道的美味,

但都超級新鮮~

在我口淡淡中亦嘗到蝦頭膏的鮮甜, 一絕!

食完之後我實在頂唔順要打的歸家,

返到家中亞樹幫我探熱,

嘩! 原來已經燒到101.5度!

咁佢就幫我去買什麼退熱貼,

 

到現在我已經用緊第三張, 但個頭仲痛痛地, 熱熱地....

但我睡得太多又辛苦,

希望食左醫生既退燒藥快d好番啦~

一個人留係屋企好悶呀!!!

 

 

今晚有好野食

hehe......今晚約左個好姊妹食日本私房菜,

佢食過話好得! 

雖然貴左少少,

但我同佢計過,

我地兩個靚太今晚食好野,

而我地既老公就去食二十大元既三餸飯

(因為佢地一直都話三餸飯又平又好味),

咁除番開四,

per head都係百零蚊! 

今餐好抵呀~~

搬office

我黎緊七月搬office呀!  

新office雖然比現在的細,

但就高左21層樓,

 

而室內裝修亦靚好多tim!

我仲應該可以有一個望海兼望山既位,

 

好開心呀~~  快d搬喇~~

當黑的一星期

今個星期, 是不順利的一個~

********************************************************************

1/5放假那天, 是club house的swimming pool開放的第一天, 我們便去趁熱鬧...

晚上的時候, 便發現右眼腫起來, 不知是不是它的水質有問題?

********************************************************************

昨日lunch時, 在公司的lift lobby跌親.

因為郵差哥哥把他的車仔和一大袋信件放在lift lobby的中央.

 我掛住同同事傾計, 架車仔又不是o係我eye level, 便不小心跌親, 令一位男同事表演了一場英雄救美!

但現在有一大片瘀痕在腳上!

 

幾時先遇到'你'?

上星期日行APM時買左新day cream喇! 買Crabtree & Evelyn是因為上次V&E送比我既hand cream都好好用, 咁o岩行過就買枝試下啦~ 用左幾日之後覺得都唔錯, 不過始終冇'嘩'一聲既感覺.

其實我都用過好多牌子既day cream, 但都未搵都一支 'um...就係你啦' 既牌子!  尋尋覓覓, 幾時先遇到'你'?