【重慶燒】在佐敦的文英街
2009年2月27日 星期五
Our 9th Anniversary
我已連續兩年唔記得左拍拖紀念日,
今次我醒啦! 早一個星期已經book定利苑食飯了!
雖然book左位, 但去到都要等!
我見有walk in既都冇位呀,
可能在IFC, 以利苑既食物質數來說,
真係一D都唔貴啦~~
我覺得唔係貴泉章居好多wor~~haha...
不過當然泉章居份量多d啦~~
要預訂的老火湯, 好正!!
最出名的燒腩仔,
好笑既係隔離檯有個姑姑同我地同一時間落order,
佢又係order燒腩仔, 點知佢冇我地有,
佢就問個waiter點解.......小姐呀, 你冇預訂咪冇law!
桂花炒瑤柱
秘製骨配炸曼頭
我的至愛: 黃金蝦
原本我想食栗子蓉西米布甸,
但賣晒, 最衰一早訂埋啦!
最後要左杏仁茶!
亞樹食楊枝甘露, 嘩, 好好味呀!
好滿足, 好飽既一餐!
我問亞樹兩個星期之後, 到我地結婚紀念仲慶唔慶祝?
佢冇正面回答我, 只係話出年仲慘, 拍拖紀念日兩星期之後又到結婚紀念日, 可能再兩星期之後又到亞囡生日, 亞囡生完日之後, 2/4就係佢生日, 咁咪不停慶祝???
咁又係wor!!
好彩我8月生日的!!
2009年2月26日 星期四
2009年2月23日 星期一
2009年2月22日 星期日
風裡的故事
風裡的故事 (主唱 : 黎芷珊)
漫步樹下那夕陽窺探我 像要送我更多快樂自由
斜陽在笑 清風送片片花辮 半空輕輕翻個筋斗
誰在樹林陪我不知道 只顧默默坐著沒有開口
但風卻似美麗民謠心裡奏
策白馬跟清風鬥走 又似星空裡遊
多少故事隨年月日帶走 被忘掉了
快樂已掌握於我手 沒有憂不會愁
心中快樂斜陽伴我與晚風 做朋友
﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣
一首我很喜歡的卡通片主題曲。
漫步樹下那夕陽窺探我 像要送我更多快樂自由
斜陽在笑 清風送片片花辮 半空輕輕翻個筋斗
誰在樹林陪我不知道 只顧默默坐著沒有開口
但風卻似美麗民謠心裡奏
策白馬跟清風鬥走 又似星空裡遊
多少故事隨年月日帶走 被忘掉了
快樂已掌握於我手 沒有憂不會愁
心中快樂斜陽伴我與晚風 做朋友
﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣
一首我很喜歡的卡通片主題曲。
2009年2月19日 星期四
2009年2月18日 星期三
Toy R Us 開倉
blog友格格報料說Toy R Us 開倉,
其實早前我已經因為他的緣故,
買了一張好平的bb床 & baby bjorn的carrier,
真係萬分多謝!!
而我又係Toy R Us的website見到,
張bb床既床褥,
開倉價由$799減至$199!!
不過只限18/2兼只售50張!!
我昨天2時多去到,
一入到門口,
見到張床褥既poster寫住<售罄>兩個字!
唔係掛?! 咁快?!
咁都唯有行去睇下啦~~
一埋到去,
見到有個女人在研究緊張床褥,
我理都唔理佢就問個sales仲有冇貨,
佢話最後兩張!
嘩....真好彩! 即刻叫個sales幫我hold住先!!
之後我再去睇埋其他東西.
去到minimoto的counter,
其實我一早已經想買它的硬身換片墊,
見到有八折,
hehe......可以買埋lu~~~
U型餵奶枕亦是我想買的東西,
減價後只係$199, 即買!
回到家中,
由樹daddy親自示範U型枕的用法,
中間的可樂是bb yee送的,
暫時由它扮亞b!
樹daddy抱bb似模似樣掛?!
2009年2月17日 星期二
2009年2月16日 星期一
大肚相@情人節 (34W5D)
今年情人節好忙呀~
但就係無事忙!!
起床後就喊住說要在家影相,
因為想整一本懷孕記念相薄,
所以要影多d相呀~~~
哈哈, background是我小時候既相,
影完之後先發現原來個post一模一樣架!!!
因為下午要去瑪麗醫院聽講座,
去之前我們便在巴士站附近既海旁公園影相~~
今次影得個肚好大呀!!!
之後又去了中環,
在立法局前留倩影!
晚上去了銅鑼灣食飯,
個環境係咪好浪漫呢?!
但其實我地只係食完飯路過影相jar~
情人節的晚餐我們是光顧了............和民!!
2009年2月15日 星期日
入院後記
之前入住的瑪麗K9病房,
正正就是我將會待產的地方,
今次不知是有幸定不幸,
可以看看入面的環境如何!
K9的護士們很細心,
見我很擔心的樣子都會安慰我,
而且不停有好多醫生護士來,
再了解下我的case,
為保障BB, 亦會用好多設備同你check!
其實service真的很不錯!
在病房, 亦見到不少待產mama,
我隔離床的mama,
有時痛到'拿'埋口面!
但到我出院時仲未生得!!!
有d mama就會坐生產球,
不過見佢地個樣都幾痛下!
又見到有個實習醫生幫一個mama抽血,
實習生真係實習生,
因為我見住佢抽左好耐,
而且那位mama個表情係十分痛苦!!
見到都驚!!
不過去得公立醫院都係要預左比d實習同學仔'玩'下了!!
我去贊育覆診都係同d同學仔'玩遊戲',
所以通常我有問題都會問d護士auntie!!
佢地仲有經驗呀!!
2009年2月12日 星期四
入院記
昨天吃完lunch,
便和同事去Toy R Us買Baby Bjorn揹帶,
在前往的途中很不小心在商場跌親,
好彩不是向後滑倒, 亦沒有碰到肚子,
那我便沒理會, 向Toy R Us出發!
同事說雖然沒太大礙,
但買完東西都回家休息一下啦!
在回家途中,
心裡再仔細想一想,
BB好似成個鐘都冇咩郁過,
平時下午時份都好活躍麻!!
拍拍她都冇咩反應,
我個心就開始驚驚地!!
所以便立即去瑪麗K9病房,
去到姑娘立即幫我登記,
說因為我未足月,
所以要入院!
換過衫後, 便駁機幫BB聽心跳,
一聽都安心d, 因為有心跳呀!
不過始終BB都唔肯郁,
那我便問姑娘: 有心跳但唔郁係咪都ok架?!
佢話唔係架, 唯有又駁多一部機'wee'醒BB啦!
'wee'左一輪之後BB開始醒啦!
但都係比平時郁少左好多!
不過有郁我都安心d!
之後又有d醫生過來幫我按肚,
按到右邊時有d痛,
醫生說幫我安排去照U/S!
確保胎盤冇脫落.
照完結果都OK,
不過原來BB個頭始終未轉,
如果再過多個零星期仲唔轉既話,
就可能要開刀了!!
之後又上返病房見醫生,
醫生說始終我跌親,
留院觀察一晚下好d,
如果明早BB心跳正常又有郁,
就可以出院了!
咁我唯有call亞樹叫佢攞d日用品比我啦!
在醫院真的訓得不太好!
醒了幾次~~
而六時多又要比人叫起床駁心跳機,
不過知道BB表面一切正常,
就好了!!
2009年2月10日 星期二
情人節禮物送咩好?!
大家諗左送咩情人節禮物比另一半未?
今期我就為PhotobookAsia做了雜誌的sample,
介紹佢地既DIY相薄!
(好似Mypublisher既photobook)
其實除左可以做情人節禮物外,
大家可去完旅行做一本相集,
結婚snapshot, BB成長既相薄亦可以!
各位有時間可以去以下website睇下,
<本雜誌係Face呀!!>
2009年2月6日 星期五
BB展的收穫
今天下午去了BB展,
不過都冇咩野睇,
基本上係可以不去,
不過都算有少少收穫啦,
就係用$398買左以下依一套七件床上用品套裝!
而Citybaby減緊價都要買$499,
http://www.citybaby.com.hk/products/bedding/Others/index.htm
在會場買over$500就可以送貸,
所以我同奇趣一人一套,
先把貨送去我家,
咁就唔駛自己攞返屋企了!
我地選左黃色,
但package上寫住贈送,
唔通佢無本生利所以咁平?!
2009年2月5日 星期四
An email from my supervisor
剛剛收到我supervisor的一封email,
其中一段的內容如下:
Also, as a Sales Manager, you are expected to make minimum of 8 customers visits per week and to have 5 times of your target SOV in your 90 days funnel.
睇完之後真係有d嬲,
喂, 亞大哥!
我仲有個零月就生BB,
你唔係仲要我一個星期見8個客呀????!
你係唔係變態架?!
訂閱：
文章 (Atom)