Transformer

變型金剛,

到底有什麼吸引力,

會令到大部份男生們,

急不及待跑去戲院看電影?

莫非就像女生們,

排隊去買 I'm Not A Plastic Bag一樣?

不過, 我對兩者都沒興趣~

而我家中的小男孩由電影未上映,

一直叫嚷著至昨天買不到票子,

到今天從網上訂購,

(只可以買到第三行)

也叫我一起去看....

但我實在不感興趣呢.

不如我放你一晚假期,

和你的好友們看吧!

而我待在家中便可以了~~

趁有人不在家,

我又可以吃我的私伙元貝了!!

今次配上米粉和硯肉,

快樂就是如此簡單!

有日出日落睇

試下將mouse放係張相上面.

move上move下 ,

就有日出日落，幾得意的!

http://61226.com/share/hk.swf

安樂死

你贊成安樂死嗎?

昨天看報紙,

看到阿斌希望政府再討論安樂死,

不要再逃避這個問題.

看來, 他要死,

不要活的決心很大呀!

相信他一定活得比我們想像中更痛苦,

更難過!!

是因為他走不動,

所以悶嗎?

是因為他走不動,

所以覺得人生沒意義嗎?

是因為他走不動,

所以想死嗎?

在報紙上看到他說:

「健全o既人自殺需要人幫咩？ 冇需要。

只有自己唔能夠自殺o既殘疾人士,

先至需要其他人幫佢自殺」

看後, 我心好酸!

以前打敗仗的戰士,

想不被俘虜,

寧可自殺身亡,

也不會被對方凌辱, 失去尊嚴!

但阿斌連自殺的能力都沒有,

更不要談基本的生理需要!

試想想,

怎可能叫他有尊嚴地生活下去?!

我真的不知道!

莫非對他說: 神愛你, 衪為你行過死陰幽谷..........

但神的愛, 對他意義何在?!

如果有神的愛,

對他來說,

是不是一個更大的笑話?!

在結婚時, 我選取了以下的經文作為對自己的提醒,

「婦人焉能忘記他吃奶的嬰孩，不憐恤他所生的兒子﹖

即或有忘記的，我卻不忘記你。

看哪，我將你銘刻在我掌上；你的牆垣常在我眼前。」

以賽亞書四十九章十五,十六節

作為一個認為有神的愛的人,

我知道, 亦明白,

就算被全世界遺棄,

神都仍然愛我!

但如果我是阿斌,

我還能有勇氣這樣說??!

 

Lorita生日派對

靚靚Lorita舉行她的12歲生日派對!

(12歲是指她的智商,

真實年紀當然會大一點點吧!!)

看看她有幾多朋友~~

其中包括我們何氏夫婦啦!

亞樹當日好重要呢~~

他是大會指定攝影師!

我們玩了好多games呀!

um...以下依個game好像接新娘的一樣,

難得Lorita亦訓身演出!

因為星期日我們還要返教會,

所以一點多便要閃先.

最後我們在街上幫大家拍最後一張照片!!

(派對位於銅鑼灣一上樓cafe)

仲有禮物收?

結左婚都成四個月有多啦,

 

估唔到今日仲有結婚禮物收!

 

嘩哈哈!!

 

我們上雜誌

包裝的重要

Marketing是很重要的!

我昨晚第一次踏足Mega Box便有依種感覺!

Mega Box明明是一座廠廈,

就算我有客要見,

都唔想去既鬼地方!

但居然可以成為一個icon,

背後察劃的人實在是很厲害!

聽過好多人對Mega Box的評價是.....

貨品比市面貴,

有深水埗貨扮貴貨,

貨品有d out out 地.........

因為我只去食晚飯,

沒有shopping,

所以不知道事實是否如此?

但有一點是幾值得欣賞,

就是car park了!!

一般shopping mall,

都要拿收據去chop印仔先有free parking,

但Mega Box依方面好細心,

我地只要拿住酒樓發出的一張card,

開車去出口,

那裡就有專人服務,

連o都八達通都幫埋你,

 

不用四維找chop印的地方, so good!!

對於駕車一族,

實在是挺方便呢!!

晚餐的地方

百樂門

各C.E.O可考慮這間樓家來犯罪(飯聚).

食物不錯!

最重要平日晚上不太多人,

夠清靜!!

 

 

三餸冇湯

是日有三餸但冇湯!

1. 蕃茄魚

發現原來都係亞媽煮得好味d!

2. 豪汁鮑片白菜仔

發現原來鮑片好平!

$15一包,

可以食兩餐!

3. 煎豬排

發現原來亞樹手勢唔錯!

d豬排佢醃架!

第一次

昨日從江門回來之後,

好倦!

因為連續三天都要七時起床,

實在令我好辛苦呢!!

但我沒有即時回家,

和亞樹去看了哈利~

今次套戲都好似唔係好完整咁....

之前冇睇過,

又或者冇諗過之後會睇既人,

就真係唔好睇!

因為今次根本不是一套戲!

睇完同冇睇既分別都不太大!

回家後便立即洗衫,

平時洗完衫之後都是我負責'涼'衫的,

不過當我很倦時,

會要求亞樹去做但他一定拒絕,

叫我明天訓醒才去'涼'.

今次我又要求他啦,

都知他唔肯!!

都沒期望過他會去做!

諗住早十分鐘起身攪好吧!

點知..........

有神蹟出現!

居然所有衫好整齊掛好!

WELL DONE!

你比我做得更好呢!!

咁以後..........

不如............

你負責依個大project啦!!

 

想轉工

有時做做下,

真係好唔想做,

好想轉工,

好想退休,

好想老公發達,

好想去旅行,

好想.........

好想.........

好想.........

....................

 

那裡最多花?

昨晚看狄娜的節目,

 

今集的主角是荷蘭,

 

一提起荷蘭,

 

相信大家都會想起風車和絢麗多彩的鮮花!!

 

但原來全世界第一次集資上市,

 

便是在荷蘭,

 

她亦是第一個股票市場誕生的地方!

 

節目中狄娜亦有講起花,

 

她問:

 

'香港那裡最多花?'

 

不是在香港公園呢!!

 

而是...

 

 

 

 

 

 

香港殯儀館

 

(有見地!! 勁!)

一個人的晚餐

自己一個人食飯,

(其實冇飯, 得餸)

一定唔可以待薄自己!

一定要煮自己最喜歡的食物之一:

粉絲蒸蒜蓉蝦!

我發現我劏蝦既技巧越來越好,

記得我第一次劏蝦時,

簡直要用放棄來形容,

因為最後只劏了兩隻!!

我便投降~

而家? 完全冇難度呢~~

不過就手腳慢d law!!

7D

菲律賓的7D芒果乾,

 

大家都應該見得多喇,

 

咁7D的芒果汁,

 

大家又見過未??

 

 

芒果乾要二十元港幣

 

而芒果汁......

 

只需一元多港幣!!!

 

今晚去睇免費戲

hehe.....點解有免費飛?

因為我擺酒的酒樓的老闆,

佢實在太好人,

經常請我們一班ESD姊妹食晚飯不在話下,

一有免費戲飛就比我地!

人人有份, 永不落空!

就算我已擺完酒,

都有份呀!

所以我覺得佢對客人實在太好了~

抵讚!!

菲律賓之第三日

第三日,

是最後一日~

join得旅行團,

總要去什麼什麼博物館看一下!

對歷史冇咩興趣的我,

只影了些相便閃!

最後一站便是crazy shopping~~~~

三個小時既時間過真快,

跟本唔夠時間行!

我地起碼買了over三十件Polo,

五條牛仔褲,

之後仲去了supermarket掃貨!!!

勁!!

走時,

airline又delay了成個鐘!!

呆等!

等到........有人訓著左~~~~

無聊下拍的照片

我們的飛機餐

由於delay的關係,

那天晚上,

我和亞樹兩點多才回到家中

菲律賓之第二日

第一晚我們玩到零晨四時多才睡,

第二朝很不願意地起床去吃早餐.

早餐的選擇不多,

我選了芝士蝦炒蛋, pancake & 粟米片!

早餐後便去水上樂園了.....

裡面最好玩的便是人造浪和滑梯!!

我起碼玩了六,七次呀~~

玩了兩個鐘之後,

人很累,

便躺在大樹下, 泳池邊休息,

真寫意!!

在水上樂園買過熱狗和炸雞飯,

便回房開餐去也!

但菲律賓人做事真的很慢,

而且那resort的service又一般!

因為那裡的房全部都是獨立屋,

屋與屋, 屋與lobby, 水上樂園的距離是可以相距好遠!!

所以resort中是有golf車接送客人.

之前聽導遊說,

如果要call那些車去按你,

可能要等30分鐘以上.

我地已經好醒目,

諗住女孩子等食物,

男孩子出去call車,

結果我們出到去都是要等!

而且等了很久也沒有車....

激死人!!

最後我們都是行路返房~~~~

吃飽飽, 沒事幹,

休息一會,

便去另一個主打行程 - Massage喇!!

又是要等車來接我地,

今次快了一點,

20分鐘便有!

她們massage的手勢都不錯呀,

我兩個女朋友大讚特讚~~~

晚飯吃中菜,

我們懷疑個廚師是中國人,

因為我們見她們落單,

是寫中文的!

而且食物質素好好呀!

我們在餐廳遇上奇趣,

見她偷影我地,

我又影番她~~~~

吃埋美味的Haagen Dazs,

為今餐畫上完美的句號!

菲律賓之第一日

看! 我們二人出門才三天,

背包是滿滿的,

不知為什麼有那麼多東西要帶去?!

相約了團友們去北角飲茶後才出發,

點解要去北角?

因為旅行社有免費巴士到機場呀!!

我們是坐Hong Kong Airlines,

我第一次聽有這間航空公司!!

航班delay了一小時才出發,

好彩........

我們有NDS解悶!!

終於到達菲律賓啦~~

但那些海關人員效率真的很慢很慢....

過關時還突然間停電!

PC要reboot呀!!!!!

其實去到resort已經很晚,

吃過晚飯後我們便去夜市.

導遊說那夜市很旺,

(可能對他們來說真的算很旺吧!)

但根本只是有一條酒吧街,

幾檔賣燒雞, 生果的店子,

還有7仔一間!

不過買東西對於女孩子來說,

一些難度也沒有,

不需一小時,

已經買了兩大隻燒雞, 四大個芒果,

和一大堆零食,

回酒店慢慢啦喂~~

(拿住hello kitty袋那位美女,

便是睇完blog不留言的Lorita喇)