終於唔駛比亞樹煩我honeymoon d 野攪好未, 因為我今日online book埋東京酒店喇 - 池袋東橫inn hotel, 連埋稅9千幾yen一晚, 好抵! 上網睇d網友話行去車站都係幾分鐘, 好方便, 希望冇選錯啦!
如果大家有興趣book, 可以去以下的website. 我搵左好耐, 先search到個中文網頁 (日文唔識睇麻)
各位觀眾, 將作為人妻的我, 點都要識煮幾味先似一個好太太. 哈哈, 其實我煮東西都幾有天份, 真的好好味架~~~
蒜粒炒硯
我的撚手小菜: 煎雞翼
白菜仔鹹蛋肉片湯
依張相冇開flash, 所以影得唔好
財經人：
地產經紀：我會賺好呢個佣！
大陸股民：我買股時會心雄！
「倫敦金」經紀：我會迫你炒到燶！
羊太A：我仲渣住d北控！
羊太B：我仲渣住d盈動！
以下轉載金手指同曾特首日前既一次訪問：
金︰特首先生，如果你成功連任，管治班底會否有變動？
曾︰我會炒左廖秀冬！
金︰不過好似李國章局長更加需要被更換，下一任教統局會點？
曾︰我會試用梁錦松！
金︰梁錦松？佢會咩？
曾︰應好過食西北風！
金︰政策上會有變動嗎？例如房屋政策？
曾︰繼續迫人住東涌！
金︰不過，咁樣市民會唔開心。
曾︰我會唔理人面燶！
金︰即係孫明揚局長都應該冇事？
曾︰我會繼續用孫公！
金︰其他人要換，點解孫局長唔使？
曾︰燊哥照佢點會窮？
金︰咁除左東涌，其他地區呢？例如西九？
曾︰我要先搞九龍東！
金︰但聽聞好多政黨反對，點解咁有信心？
曾︰我同馬力打龍通！
金︰咁自由黨呢？佢地話投廢票？
曾︰我先唔怕田少兇！
金︰最後，可以解釋點解唔好投梁家傑？
曾︰佢會做唔好份工！
最後，《蘋果日報》專欄作家：
溫敏妮：搵錢唔使靠老公！
曾淵滄：我會叫你買匯豐！
孫柏文：我會繼續發up風！
我今日大約12點時打電話給婚紗店, 睇下可唔可以lunch上去睇相, 接電話既唔係tiffany(即個shop manager), 係佢TW個經理, 咁我咪問佢’我現在可以過來看相嗎?’ (說普通的普通話), 她說’OK, 沒問題, 你現在過來啦~’, 依11隻普通話字, 我應該冇聽錯, 冇誤會law~ 咁我12:30pm由公司出發, 1:10pm上到去, tiffany話依家唔可以比我睇, 話d相要傳過去TW要兩個鐘, 兩個鐘之後先有得睇, 仲話我點解唔早D約? 一打電話上黎就要睇………亞tiffany小姐….
第一, 我係打左電話confirm左OK先去, 我唔係冇約白撞咁去, 如果個段時間真係唔方便, 你個TW經理大可say NO. 佢話OK, 但要我山長水遠搭車去到你先話冇得睇, 有冇攪錯呀~
第二, 我同tiffany講, 你地真係唔得冇相睇, 你都打電話通知我啦, tiffany話因為佢出左去幫手影相, 仲話個TW經理唔知d相要傳過去TW要兩個鐘時間, 又冇我電話通知唔到我woo~ 個TW經理又點會冇我電話? 我個電話no.咪寫左係佢張’行程表’上law~ 冇? 咪玩啦!
第三, 未影相之前, 我已經再三同tiffany講, 因為我3月初結婚, 佢地走前(即12號)我未必有時間上去選相, 因我要返工同忙住新年前派帖, 係tiffany話可以隨時上去的, 依家又話我無拿拿上去又唔早d約. 係! 我承認我係臨時約上去, 但我要再三同tiffany&所有人講, 我係得到佢公司同意我先上去, 如果我臨時約上去, 佢地拒絕, 但我發脾氣, 係我唔岩! 但tiffany, 你要明白, 係你公司(仲要係你亞姐)話ok我先上去, 我唔明你點解覺得係我問題law~
第四, 我真係好好好唔明, 點解d相要用兩個鐘傳過去TW先有得睇? 咩唔係copy去C drive就睇到???!
第五, 我問tiffany, 選好相最快可以幾時有貨, 她說兩星期, 咁我就話, 既然我新年前都咁忙, 而起貨都係兩星期時間, 咁不如我等你新年返黎先選相啦, (我自己都唔想是但咁選相), DHL過黎都係一日時間, 雖然會趕, 但都趕得到……..唏, 佢又一大堆廢話~ 又話佢唔識, 又咩都唔知話唔到事…………同佢傾到o個一刻, 老實講, 我真係咩都聽唔入耳!
一直都冇計畫係香港影婚紗相, 因為TW那些都影得好靚, 但..........人算不如天算~~
Hsiao (即我租婚紗間shop) 想拓展香港既婚紗相市場, 就請左佢地既攝影師黎香港, 以比較平的價錢offer比Hsiao既10對新人, 不過要比佢地做sample~
我地約左昨天去影, 首先去黃竹坑(我舊居)附近, 晚上再去中環影夜景
其實去中環影都幾尷尬, 因為放工時間, 係翡華附近實在太多人喇~ 仲要我個造型係........
咁既款woo~ 真係好多人望住, 有d人仲幫我地影埋一份tim~ 好好笑!
不過就真係好好玩, 最後我以依一身既打扮, 由中環搭'叮叮'返去銅鑼灣呀~
