心愛

最近常常在想,

能夠和最心愛的人一起,

是多麼幸福的事!

但是否得不到的,

才會是最心愛?

還是得到的,

才會是最心愛?

兩個人可以走在一起是緣份,

兩個人不可以走在一起,

亦是不是緣份呢?

既然如此, 何必想太多!

look ling

咁大個女第一次'look ling',

用我係wii學返黎既技巧,

我第一'look'已經中左8個樽!

超叻呀!

好有天份呀!

原來打wii係有用架!

反而以前有玩過既亞樹,

落坑既比例仲多過我!

不過我同佢比賽,

最終都係佢win左!!

因為佢有全中呀!

而我既力度不夠,

最多都係打中8個樽,

下次有機會,

我一定要贏佢....哈哈哈!

唱錢

原來仲有兩個星期就過新年,

我係咪都要唱d錢入利是?

係咪'是但'一間bank都可以唱錢架?

咁又要唱定幾多先夠呀??

我又好似冇咩利是封wor!!

咁點算呀?

邊度有得攞架?

搵到工喇

昨日confirm左個offer喇!

不過一陣4:00pm會見埋個agent,

佢話有一份工介紹比我!

個basic會多過我岩岩confirm左果份工,

其實見佢都1516架,

因為佢介紹果份工,

係一間中資扮外資既vendor,

我不是介意返中資公司,

而是因為我的普通話水平,

係在普通程度以下,

嚴格d黎講,

可以說用"恐怖"來形容,

就算有幸, 我可以join果間公司,

我都未必生存到.....

hahaaaa......咁其實點解我要花時間去in呢??????

沙鍋蟹粥

最近凍到死,

煮用沙鍋系列既東西就最好!

因為沙鍋可以keep住d溫度,

唔駛食到一半就凍晒!

今次煮沙鍋蟹粥,

鍋粥充滿了蟹的鮮味,

不過如果係膏蟹既話,

味道就更加完滿喇....

因為我太喜歡食膏了!!!

膏蟹, I will eat YOU soon!!!!

 

真係十年前

喇! 依張相真係有十年既歷史!

果時仲未有DC架!

所以張相都有d唔清楚,

唔知大家認唔認到我呢?

青春無敵

玩了Facebook幾日,

最大好處是有舊同學upload番N年前既相出黎,

看見自己青春無敵既look,

感覺係......

嘩, 好彩自己同身邊既靚女朋友,

都冇咩點變過!

認識依班同學都有成十年時間,

以前讀書時真係超爆笑,

咩都玩一餐!!

記得電腦堂亞sir點名, 叫'XXX',

明明佢走左堂,

有其他同學大叫 'person'

亞sir都當佢有返,

真係笑鬼死我......

仲有其他其他好好笑的事....

有時諗起我都會偷笑

Facebook

我好out地昨天先create了Facebook,

玩了半天,

都唔係好知點玩....

又有好多人send d 利是呀, 蛋糕比我....

我都唔知有咩用!

我依家只係upload下我既相上去,

如果大家知道有咩好玩,

就話比我知啦!

thanks!

下定決心 - 搵工

依家我份工,

實在太悶了!

好似一個廢人咁!

今年開始,

我便下定決心 - 搵工!

其實已經in左一份,

是香港某大電信公司,

我仲諗住佢唔請我了,

因為雖則我都係做開telecom,

但依份工同我之前做開既範疇係好唔同,

而以冇太多related既經驗來說,

我request既人工可能高了點,

但那公司今天已經打左比我兩次,

原來佢地仲計緊個offer比我!

不過今個星期三,

又會去見另一份,

是做Channel Manager,

我未做過Channel架,

咁多年都係做Direct Sales,

所以我都幾有興趣,

因為做Channel可以識多d partner,

不過....都係有offer先再諗啦!!

How Beijing Olympic Logo Came About

帶子原來可以咁平

昨晚收工返到屋企留下買餸,

一心只買雞翼+菜,

但喜歡食海鮮的我總會去魚檔那邊行行....

比我發現左有一斤只售$30已去殼的鮮帶子!!

hehe...我當然唔會放過買了半斤.

不過清洗帶子都幾辛苦,

要粒粒都去除內臟,

怪不得酒樓要買成百元一碟了!!

帶子炒西芹

豉油雞翼

怕羞草

我教會是有一個花園仔,

在花園仔中種了不同的植物,

其中一種便是怕羞草!

大家有冇玩過怕羞草呢??

一摸佢就會怕羞了!

好好玩的!

怕羞前

怕羞後

艇仔河

一直都以為艇仔河已經冇左好耐!

因為細個的時候,

艇仔河是在近巴士總站的碼頭,

原來依家是在近珍寶的碼頭!

哈哈! 久違了的艇仔河,

依然熱騰騰, 好好味!!

我一定會多d幫襯了!

叉燒河

燒鵝瀨

開工大吉

2008年第一天開工!

希望今年搵多d,

可以快d退休!!

唔駛做!

日日去玩!

個個月去旅行!

(咁快發夢?!)

魚餃蝦子麵

工展會對於我來說最大的收穫便是買到有記的蝦子麵，

 

因為平很多呢！

 

而且我亦很喜歡吃．．．

 

我一共買了兩盒即二十四個！

 

 

有記在香港仔的歷史很悠久，

 

香港仔的街坊們可能不知道有記的名字，

 

但一定經過過它的鋪頭！

 

下次留心看一下喇！

 

 

簡簡單單的把麵和魚餃用水煮熟，

 

加上蠔油，

 

便美味非常！

 

07工展會

今年係我第一次去工展會,

 

之前個個都說買油好抵好抵,

 

我見過個價錢之後,

 

普通花生油都係大約$100有6枝,

 

的確係好平!

 

但6枝我用3年都用唔晒,

 

最後我買了一枝檻欖油.

 

 

因為我地未食lunch入場,

 

所以就快快去開餐!

 

 

$20碗仔翅, 一般!

 

因為唔值$20!!!

 

 

$10一隻蟹粉小籠包, 超值!!

 

因為好美味呀!!

 

 

跟住走去試湯,

 

我地不斷試, 飲下飲下時,

 

都曾經懷疑過,

 

不停飲不同種類既湯,

 

會唔會肚痛架?!

 

 

買買買買買, 買了好幾大袋食物回家呀!

 

麵買了二十幾包, 湯包就買了十幾包,

 

仲有零食, 蜜糖, 飲料之類.....

 

有排食了!!