彈琴中
2009年8月29日 星期六
2009年8月26日 星期三
泳池餐廳@西灣河
好好味的一餐: 泳池餐廳@西灣河
川芎圓肉杞子桑拿蝦
蝦子鮑片金錢生財
喜氣洋洋新疆火焰羊架
上湯過橋絲網鮮蝦卷
海龍皇鮑魚翅湯
香江黃金裹蒸糉
春回大地爆丈雞
清蒸海上鮮
南瓜椰汁珍珠燉官燕
見唔見到中間有個蛋糕呀??
其實係慶祝我生日架...haha
話說食食下既時候,
隔離檯有個超級無敵大既海鮮湯,
大到不得了之餘,
d材料仲不得了!!
師傅一攞出黎全場都嘩嘩聲,
因為實在太震撼喇~~~
我地都唔怕羞去影埋一份相!! haha~~
你知唔知我地幾想坐埋去食呀??!
因為我地個個實在太想食,
仲立即book左9月食依個餐,
好期待呀~~~
西灣河鯉景道52號東區體育館2字樓 Tel : 8201 6328
2009年8月22日 星期六
2009年8月19日 星期三
巧巧月月
上個星期日, 我地去左探巧巧,
仲同carcar, pinky, bbyee去飲茶!
五大一小坐張十人檯, 幾闊落~~~
不過你睇月月幾迫.....
比carcar同媽咪夾住
夾呀夾呀夾.....夾到你冇得走...
見到巧巧了, 我幫她弄了一個'丁丁'頭!!
我都想月月快d有頭髮,
咁就日日有新髮型了!
又要引月月影相喇~
今次用檸檬茶!
um........都係西瓜work d~~
月月肚餓仔, 借住巧巧張low-chair~~
不過食到最後不停bu~~~ bu到周圍都係~~~正衰豬!!
扮一家四口
我地又要扮!!
你睇我單手抱巧巧幾輕鬆!
多左隻手仲可以同月月玩呀!!
大合照 (偷左carcar既相)
最後我發現原來bbyee真係鍾意仔唔鍾意囡架!
因為其他個個都抱巧巧月月,
得佢一個冇抱jar~~~hahaaaaaahaha
其實因為佢有左唔抱得!
不過佢真係鍾意仔多d架~~
2009年8月16日 星期日
Your Baby Can Read (新加video了)
之前係blog度提過我買左your baby can read,
原來好多mama blog友都好有興趣,
紛紛問我好唔好用?
原打算等月月用耐d, 睇下佢既反應先share下!
但咁多mama都想我快d講,
就講下佢用左兩個星期既程況啦~
未講之前, 等我share下點解我會買依套教材...
其實都係朋友介紹,
有朋友話佢朋友個仔用左好好, 好多動作, 英文生字都識,
而我上網亦研究過一輪,
your baby can read唔係用cartoon,
係用真人, 真動物去show出黎,
我個人認識會好d, 因為我地係真實世界生活麻,
有真蘋果睇緊係好過睇卡通蘋果啦~~haha
而隻DVD中, 會show d英文字
for example: clap
會讀兩次clap
再show下個小朋友係度拍手,
最後會有一題問題問你: can you clap your hand? or can you do this?
DVD中亦有唱歌仔時間,
月月就最開心架啦!
因為佢日日聽, 聽到開始熟晒,
一唱歌時就手郁郁, 腳郁郁!
(有video, 不過公司上唔到youtube, 今晚再add返啦)
好似想跟住做動作咁,
但限於佢仲細, d手腳仲未可以活動自如,
我諗遲d就可以做到了!
最後有一d word games,
佢會show一個字, 好似'Hi'
再show 'Hi' 'Dog' 'Apple'
叫係指返個'Hi"出黎!
月月緊係未識玩啦...haha
而一隻DVD會有一本相對應既書同一些flash card,
比小朋友重溫d生字,
我就間唔中同月月睇下,
見到clap, 就讀一次, 再同佢一齊拍拍手,
除左可以重溫生字,
亦可培養下佢閱讀既習慣, good!!
比大家睇下套full set有d咩啦~
(5張your baby can read DVD, 1張父母指導DVD, 1張配樂CD, 50張Flash Cards, 5本書, 1本機關卡片書, 白擦卡, 筆)
$799買套教材真係幾抵!!
大家可以考慮下!
如果大家又用過另一些教材,
都又平又好, 不妨share下啦~~
訂閱：
文章 (Atom)