月月有個好朋友,
就是隔離屋的姐姐,
個姐姐成日會過黎搵月月玩架!
而月月見到姐姐當然好瘋狂啦,
要抱抱呢!
今次就一齊睇DVD,
兩個人仔都好留心!
眼都唔貶下, 仲神情一致tim~~
好緊張呀, 越睇越前!
見到月月同姐姐玩時好攪笑,
姐姐行前佢又行前,
姐姐行後佢又行後!
其實如果家中有兩個小孩的確唔錯,
因為佢地會自己玩, 唔駛你理佢!!
而且佢地d小動作好得意架,
大家對望時d古惑神情,
開心大笑(唔知佢地笑咩),
睇得我好開心,
所以我都好鍾意姐姐過黎玩架!
陪下月月麻!!
而月月都好大膽,
早兩晚係走廊到遇見姐姐,
佢居然跟人入屋, 完全唔理爸爸媽媽,
我見佢唔驚, 都比佢自己一個人去玩,
我地返屋企先!
結果玩左成二十幾分鐘先返黎,
完全冇問題呀!! haha
活動能力方面
最近好鍾意上我張床玩, 一上去就行黎行去, 我同姐姐又教佢打肋斗, 好好玩呢! 有時我地用會張被, 放月月入去, 然後將佢拋起....佢當然玩到顛左...依家仲成日攞張被出黎, 放係地上, 自己訓上去, 要求我地同佢玩呢.....haha!
月月大個左, 開始識得要求! 要求睇dvd, 要求食糖糖, 要求去街街! 亦明顯明白我既問題: 問佢睇dvd好唔好? 好! 睇書書好唔好? 好! 好當然係易答, 有時問佢深d既問題, for example: 書中有apple同orange, 問佢where's apple? 佢就會指apple, 再問佢where's lemon? 佢就會兩邊望一望, 咩都唔指, 再望我! 可能佢想同我講: 玩咩? 邊有lemon???
而月月唔乖, 我地都開始罰佢, 罰d咩? 就係罰企喇! 當然佢會企唔定啦, 但我地一講罰企, 佢已經知道個'企位'係邊了!
冇咩變既就係依然維持8隻牙仔好幾個月, 仲未有新牙出呀!!
飲食方面
基本上一日4餐奶+2餐糊/飯仔+餅餅+生果+芝士+乳酪, 但開始食多左街外食物 - 早餐的通粉, 蛋, 阿華田, 飲茶時的飽飽......
最近開始都比一些糖糖佢食, 之前比羊奶片的, 後來朋友送了一樽果汁糖比佢, 一食就超級愛上!! 唔再食羊奶片啦~~ 比兩個樽佢選, 一定要果汁糖, 比另一樽佢就推開.....一同講: 食糖糖好唔好? 就地膽月上身, 知道放係邊, 會拖你去攞架啦......
語言方面
都唔係好叫mama..........
其他: 爹爹, 爸爸, bird, 踢, 汪汪, blue, duck, corn, gogo, frog (新増), 捉佢(新增), 橙(新增), moon(新增)......
最近我日日都去荷花親子網,
因為佢有個密密送大抽獎,
日日都有一次機會抽獎,
真係好易中!
可能我又幫我細妹, 媽咪同亞樹都登記成為會員,
一日有4次機會啦....haha..
我基本上所以禮物都抽過晒啦(除左空氣清新機同羊奶粉).....嘩哈哈...
下面係其中一部份, 有d仲未攞....
而個抽獎至到18號, 快D一齊抽啦~~
http://beta.eugenegroup.com.hk/index_jetso_20100510.php
