活動能力方面
識自己企! 識自己由坐變企! 識行啦! 可以放手行商場, 行公園啦! 不過大多數時間都想拖住mama, 一拖住行就成枝火箭咁架啦! 自己行就小心翼翼, 仲要舉高隻手 (扮比mama拖住咁), 超攪笑!
可以完全唔駛人幫既情況下爬上daddy mami張床 -- 有次月月同姐姐係房玩緊, 姐姐去廚房整少少野, 我就諗住入佢房8下佢做緊咩啦, 點知唔見佢, 一去我房, 佢隻人仔已經係我張床到玩緊!! 真係嚇死我, 因為1)我床尾有窗, 2) 我怕佢以為自己好勁識落床, 點知變左碌東瓜!! 以後真係一定要關窗&盡量關房門!!
依家次次坐lift都要佢按制! 一見到手機就想搶, 成日扮講電話 (真係ee or or咁講架!), 我問月月, 你同邊個傾呀? 你有朋友咩? 你都冇fd既.......haha!! 最最厲害就係佢識開iphone呀! 先按圓形個制, 再slide to unlock.....開左....yeah....有得玩了!
今個月仲學認左扮'咳'! 仲要用雙手遮住個口'咳'架, 好有禮貌的! 有時遇著'大咳', 會'咳'到彎晒腰, 好辛苦架......haha
冇變既係依然只有8隻牙仔&好鍾意睇書同睇波, 一睇英超就眼定定講'踢踢踢'!!
飲食方面
基本上一日4餐奶+2餐糊/飯仔+餅餅+生果, 但今個月試左芝士同Yoghurt!
語言方面
今個月終於有意識地叫mama啦!! 嘩.....叫多幾聲啦衰妹!!
其他: 爹爹, 爸爸, bird, 踢, 汪汪......
當然仲有好多其他音, 不過唔覺佢好有意識下講既唔計了!
十三個月之第一次打千秋
請問4餐奶點食啊? 我地都係3奶2足咋...
回覆刪除[版主回覆04/12/2010 22:01:00]6:00am奶
10:00am奶
1:00pm粥
4:00pm奶
7:00pm粥
10:00pm奶
之前凍, 仲要半夜飲多次奶tim呀
原來呢個階段既bb都鍾意禁lift既
回覆刪除[版主回覆04/13/2010 11:16:00]一按就有燈呀, 實鍾意啦~
一早起身飲奶, 咁我地真係好懶, 阿仔最早食果餐都係0900, 你姐姐真係nice呀, 好有心機湊.
回覆刪除[版主回覆04/13/2010 11:31:00]係月月醒左要食, 佢唔醒就唔會餵佢了
你睇完我個blog, 就明白湊仔唔駛太緊張, 我個仔差啲俾老公夾扁, 仲 still alive, 所以, relax!!
回覆刪除haha~舉高隻手扮拖住mama好攪笑呀!
回覆刪除佢舉起手扮俾你拖住，真係好搞笑，我未見過BB係咁行路o架！
回覆刪除咁好胃口..哈..
回覆刪除而家BB 食兩餐奶咋.
月月真係好搞笑, 而家識行識走, 係未比看牛牛更辛苦呢
回覆刪除哈哈! 我個囡都係識玩I-Phone 同鐘意睇踢波, 我相信佢地可以做好朋友
回覆刪除月月扮比妳拖住黎行, 真係好搞笑~
回覆刪除