之前去左bb展,
見到Marriott Vacation Club的promotion,
只要去聽佢地兩個小時既介紹就有$800 sogo coupon!
咁緊係去啦, 反正聽下無妨!
可能我又會有興趣join呢!!
佢d幾十萬既package我肯定冇錢join啦,
到佢sell一個大約十萬蚊既package,
我真係有d心動呀!
成個過程就冇謂講啦,
佢個final offer係大約HKD 100,000,
有10,000分/year,
而book一晚佢地既酒店最basic要2,500分,
即我一年可以住4晚!
total有47年, 期間可轉讓比人,
再另外送多5000分比我, 即free多2晚酒店!
最後佢亦有個trial offer
HKD 10,000 有4 (定5?) 晚沖繩住宿,
以上既offer可以keep一年,
一年內join, 個一萬蚊可以rebate返!
其實我真係好想join!
但始終大拿拿十萬蚊 (雖然有得分期),
真係要諗清楚!
而且之前我睇過吳家吾居個blog,
知道18個月後再聽再join都得,
所以都係攞左$800 sogo coupon就走了!
其實我計返條數, 都唔知叫抵定唔抵?!
因為佢每年都要比management fee (~HKD 1,000)
當我用未來10年去旅行book酒店既$$去除開,
都要成一萬蚊一年.....如果次次high season又係去d貴地方都幾抵!
不過就唔知係咪真係咁易book同有冇其他hidden cost啦!
但我最驚係間公司冇拿拿冇左.......
又或者我有咩意外冇命享 (touch wood!!)
今次多左個trial offer喎...其實個刻真係好有心想join架...不過過左又無左件事,哈哈~
回覆刪除[版主回覆03/04/2010 12:12:00]同埋個package都細左, 今次10,000分, 上次你好似係12,000分的! 你細妹用過ok嗎? 難唔難book呢? 另佢地話經swire travel book air ticket會平d易d, 你細她又有冇試過呢?
我都聽左, 真係差d就join 左. 好在無join咋, 我之後周圍seach下, 間野好多bad comments, 好難book(除左phuket果間), d mangement fee仲成日加, e家都有d人去左消委會投訴架. 最嚴重, 原來間野唔係萬豪架.
回覆刪除[版主回覆03/05/2010 09:57:00]唔係萬豪又真係好大年事......加mgt fee又真係吹佢唔脹!! 一年加到$5000都得架啦~ 計落仲貴過自己book
我都聽聞好難book架，仲有，其實除非你地係frequent flyer, 成日都儲到mileage, 如果唔係，好多時我地去旅行都係買package, 所以好難用到佢地個offer......
回覆刪除[版主回覆03/05/2010 09:59:00]都係架.....所以都係唔太化算, 又要迫住住佢d酒店
係未呃人GA???
回覆刪除[版主回覆03/05/2010 10:01:00]咁又唔係完全呃人既....佢都冇好hard sell迫我地買...而且都應該book到, 不過可能要就佢d booking~~
好彩你無 join 咋, 呢d 都係呃人居多!
回覆刪除[版主回覆03/05/2010 10:01:00]但點都好.....$800 sogo coupon就袋袋平安
你好鬼勁, 成日都有正野!
回覆刪除[版主回覆03/05/2010 14:32:00]bb展時join架....你今次有冇去?
前年我都聽過 不過得$500coupon!
回覆刪除[版主回覆03/05/2010 15:43:00]好得意, 我見有d就得$500, 但又有人有$1000架wor
今次無呀! 因為聽人講無乜野睇呀....蝕左tim...知道去啦!
回覆刪除謝謝月月媽咪的coupon！
回覆刪除......總知走埋去聽下佢地講野啦, $800 coupon啊