月月一歲了

今天的12:58pm, 月月一歲了!

2.725kg, 49cm是我不會忘記的數字,

因為醫院的姑娘, 一將月月交在我手中,

是必定會問的問題!!

而今天亦是我們結婚三週年的大日子!

同一個日子, 一家三口, 一齊的過, 是最幸福的~~

 

活動能力方面

仲未識行, 不過拖住我手行都行得尚算穩. 早兩日試過拖住月月由大堂行去坐lift, 再一直行到屋企門口, 月月超開心, 仲行到唔想返屋企!! 

隻衰妹最近成日指揮我做野, 想食野就會推我隻手去攞! 想玩又唔敢玩時, 又推我隻去去玩比佢睇! 想睇書, 又係推我隻手.....總之就咩都推我去做啦!!

月月最叻就係叫'爹爹爹', 見到樹daddy(不論真人同相)都會爹一番! 而見到daddy就好開心叫佢, 奇怪地樹daddy一想抱佢就唔肯, 一定要mami先得! 不過佢又絕少叫mama架喎! 工人姐姐話佢可能掛住daddy呀, 所以成日大叫'爹爹'! 因樹daddy最近成日返學, 都冇時間陪佢, 所以咪唔肯比佢抱law! 陌生人一名呀!

呀!  但有8隻牙仔了! 就黎可以食雞脾喇

今個月學了很多新動作, 之前hihi同byebye就唔多識, 但今個月識左了! 仲有識wave, arms up, nono就擰頭!!  而且佢識睇字, clap就會拍手, smiling就會笑笑....

月月好鍾意睇書同DVD (your baby can read), 同佢睇書就要你讀晒成本書, 讀完又拍拍你叫你讀另一本.....讀完書又要讀flash card, 讀到我口水都乾埋!!  佢睇DVD係我最輕鬆既時候, 因為一開佢就會坐定定, 笑笑拍拍手咁睇架啦!!  佢同DVD中既小朋友好fd架......haha!!

仲有.....佢已經識開個M了, 可能遲d佢連部DVD機都識開!!

飲食方面

基本上一日4-5餐奶+2餐糊/飯仔+餅餅+生果, 但佢真係好為食, 見到咩都想食!!