月月十個月了!
身體方面
重量高度唔知, 因為太耐冇去健康院了, 2x磅, 7x cm高, 不過緊係重左同高左, 單手都抱唔起了....haha....仲係四隻! 好似有兩隻黎料咁...... 頭髮又多左d, 但都係光頭妹一名!!
活動能力方面
學識了kiss kiss, 叫佢kiss daddy就多數會kiss, 叫佢kiss mami就多數唔kiss!! 識得叫爹爹爹, 爸爸爸, 唔識叫mamama! 樹daddy抱就會訓, 我抱就唔一定訓! 不過........月月都係鍾意跟mami多d架.....haha~~
聽到門口有聲就知daddy mami放工返黎, 一開門就會大笑住狂爬過黎要你抱! 見到daddy返黎, 可能仲會叫聲'爹爹' tim!! 最近幾日同佢玩iphone, 教佢玩個piano, 月月好似有d驚唔敢掂, 突然間佢拍拍我隻手, 指意叫我玩, 最初我估佢唔覺意拍下我, 經過幾次之後, 我覺得月月真係叫我: mami你玩啦, 我驚驚唔敢掂呀!!
月月日日都會望住我化妝返工, 我用個化妝掃掃下佢塊面, 同佢講月月靚靚呀! 佢就會好怕羞咁笑......haha.....真係好攪鬼!! 月月大個女, 貪靚了!
但月月都有男仔一面, 就係踢波喇!! 可能佢睇得英超多, 佢依家見到波就會踢, 仲要踢得有板有眼架~~
最近幾日叫佢hihi同byebye都會揮下手, 但暫時唔係次次都成功, 下個月要努力學識呀!!
飲食方面
基本上一日4餐奶+2餐糊/飯仔+餅餅+生果, 不過最近可能凍左, 半夜有時要飲夜奶, 咁就變一日5餐奶了!
真係大得好快呀! 我仲好記得佢2個月果陣我去探佢仍然係軟綿綿的....
回覆刪除4隻牙仔好得意呀! 巧巧都有3隻了....你呢招趁佢瞓左影又得喎!
1日食5餐奶....唔係邊有2X磅呀?
[版主回覆01/12/2010 14:57:00]月月真係好大隻了, 加上佢開始識回應你講既野, 我覺得佢已經唔係bb, 係小朋友了
月月又大一個月啦....孖b依家都只係識間中叫papa, 唔識叫mama, 但訓覺就要mama唔要papa抱.... 月月都算食幾多, 孖b依家都仲係四奶一粥咋~
回覆刪除[版主回覆01/12/2010 16:37:00]係咪papa易發音d呢? 孖b咁肥, 食少d都唔怕啦....haha
月月開始係大b la
回覆刪除[版主回覆01/13/2010 10:25:00]係lu~~大bb了, 我成日問月月可唔可以扮下細bb比我抱?
哈哈哈, 望住你返工出門口, 佢有冇吵啊? 唔可以俾泰寶望到我地出門口, 佢一定會喊到收唔聲, 完全係一個女仔咁, 痴頭芒到不得了. 真唔明, 男仔點解都會咁痴身呢?
回覆刪除5餐奶, 你個工人真係湊得好有心機啊.
[版主回覆01/13/2010 10:28:00]佢又冇喊wor, 因為我次次都係鐵閘到同佢玩'搵媽咪', 佢一玩就笑了, 所以日日都笑住送我返工架~
上面果兩隻形已經咁大隻啦, 泰寶上面4隻一齊出, 宜家開始見到啦. 小朋友真係大得好快....快到唔知點講..
回覆刪除[版主回覆01/13/2010 10:30:00]快到已經唔係好記得佢細個時係點~~ 雖然只係幾個月前既事....
一日4餐奶+2餐糊/飯仔+餅餅+生果？？？一日月月食咁多野？ 咪仲多過ＲＥＸ？
回覆刪除吾知點解..我覺得你阿女好似大得快D咁~
回覆刪除月月十個月喇, 好似好快.. 一日可以食咁多嘢既, 不過食得係好, 食得訓得先長肉..
回覆刪除time flies ar, hope 月月 alwys happy and healthy
回覆刪除嘩，樹爸有無冧爆？嘻嘻！
回覆刪除月月真係大個女好多了，牙仔都出了4隻啦~
回覆刪除咁快已經出左四隻牙仔, 真係大得好快呀!!!
回覆刪除而家芯芯都要食5餐奶+一餐粥仔, 不過佢到而家仲未轉到身呀!!