昨日一起床,
哎呀...今日要去贊育飲糖水呀~
之前果晚完全唔記得!
好彩我訓醒之後仲有d記性!
去到醫院,
交完費用, 登完記,
例牌要等一輪先到我!
今日一共要抽兩次血,
飲糖水之前抽一次,
飲完兩個鐘之後再抽一次!
慶幸我一向都唔怕抽血,
唔係要抽兩次血都幾恐怖架!
我飲完杯糖水一陣就有d想嘔,
但要忍住,
因為一嘔就要下次再抽血再飲過,
過左45分鐘,
嘩! 真係頂唔順,
成杯糖水嘔晒出黎,
唯有死死氣同姑娘講,
約下星期再去過......
唉.......打針抽血就唔怕姐,
最怕就係等~~
點解要飲糖水呀? 係咪個個準媽媽都要架?
回覆刪除[版主回覆01/07/2009 09:53:00]如果你去開政府醫院覆診, 應該個個都要做依個'葡萄糖耐量測試'的~~ 反而我睇既私家醫生就冇叫我做, 可能因為我次次去覆診驗尿都冇超標啦!! 其實你雖然去私家生, 都可以去政府登記覆診架~~
飲糖水真係好慘呀!! 仲要飲一大碗呀!! 飲完仲要抽血呀!! 真係好慘.............. 不過, 為左BB 健康咩都值得啦!!
回覆刪除[版主回覆01/07/2009 09:54:00]我又唔係好怕飲同抽血, 我最怕係等jar~~~~
妳要努力呀！好期待妳bb呢！哈哈…
回覆刪除[版主回覆01/07/2009 09:55:00]好快啦~~ 仲有兩個幾月就可以同你見面了, 到時你要抱下佢wor!!
你要飲糖水呀, 我果次去健康院排期, 醫生話我都要做呢 part, 仲排埋期添呀, 生bb真係唔係一件易事, 不過, 早 d 知可以 check d 咩係好事黎既, 唔洗驚個 b 同自己有什麼問題嘛, 加油呀, 希望你下次再去唔會再嘔啦 !
回覆刪除[版主回覆01/07/2009 09:56:00]你醫生咁早同你講定要飲糖水?
咩來架糖水? 有咩用?
回覆刪除[版主回覆01/07/2009 10:02:00]葡萄糖耐量測試, 係check下你有冇妊娠糖尿
你是否糖尿超標所以要飲糖水驗血呀?
回覆刪除[版主回覆01/07/2009 10:03:00]我一向驗尿都冇超標wor~ 其實唔係個個都要去架咩? 你果時有冇飲呀?
個個都話好難飲, 咩真係咁難飲架? 生小朋友真係好偉大 haha
回覆刪除[版主回覆01/07/2009 10:04:00]我又唔覺得太難飲, 不過飲完就真係想嘔, 可能我飲得太急了
係超甜果種....???
回覆刪除[版主回覆01/07/2009 10:31:00]um......我接受到既甜
哎呀
回覆刪除咁失策呀
其實杯糖水真係唔難飲
個時我飲完仲叫姑娘加D水比我飲埋杯底個少少糖粉添
不過次後一路餓住就真係幾辛苦勒
[版主回覆01/07/2009 10:44:00]唉.....下次去又要比多$60 tim呀~~~
其實杯野真係幾難飲呀! 但妳忍左 45 分鐘先嘔已經好叻架喇! 不過有 d 唔抵囉! 下次再去飲試下再飲慢 d, 相信會好d d 架!!
回覆刪除[版主回覆01/07/2009 11:43:00]我又唔覺得太難飲, 不過空肚飲落去就有d反胃
係因為太難飲定係普通嘔呀? 真可惜, 又要再去過
回覆刪除[版主回覆01/07/2009 11:44:00]就咁嘔晒成杯糖水出黎, 因為之前冇食野, 只有糖水
真係慘! 又要再飲過。下次記住要慢慢飲, 飲完之後唔好諗, 要分散自己注意力, 否則又會前功盡費呢!
回覆刪除一般正常媽咪去到後期先要做呢個test, 而我因為家族有糖尿病史, 所以一共要做2次, 一次喺早期, 一次喺後期, 我兩次都一take過pass左, 希望你唔使飲第3次啦!
[版主回覆01/07/2009 16:27:00]我已經頂住成大半個鐘了, 但真係忍唔到嘔晒出黎, 我諗下次我要行下先得~~
係未一定要飲架???
回覆刪除[版主回覆01/07/2009 16:28:00]好似一dd醫院, 有d就個個都要飲, 有d醫院就唔駛~~
杯野真係甜到苦, 飲完仲要抽血呀! 如果唔合格仲要返去全日上營養班...
回覆刪除[版主回覆01/07/2009 16:29:00]唔係麻? 要上全日營養班?? 我老闆已經問我做咩要成日睇醫生了
我好怕飲呢d糖水~
回覆刪除[版主回覆01/07/2009 16:30:00]我怕等多d~~~~~
就咁抽血驗唔到架咩?
回覆刪除飲完咁甜的糖水先驗準唔準架？
[版主回覆01/10/2009 11:55:00]我諗飲糖水會再準確d掛??
上次我飲完都好想嘔，但真係好想嘔，好彩最後都無嘔，希望今次都唔好嘔啦！加油！
回覆刪除[版主回覆01/10/2009 11:56:00]我會忍住架啦, 唯有今次慢慢飲啦
係呀, 因為我媽咪有糖尿病, 所以個醫生知左之後, 就順便排定出年既期啦 !
回覆刪除[版主回覆01/10/2009 11:57:00]o........有糖尿病history一定要做啦~~~
我陀住我個女個時成8個月先至叫我去飲糖水 , 有個姑娘叫我可以加檸檬落去架 , 點知去到個姑娘又話唔比喎 , 果樽野勁難飲呀 , 飲完又要等喎 .
回覆刪除[版主回覆01/10/2009 11:58:00]等就最難受..........
下…幾時要飲架？好驚喎！！
回覆刪除[版主回覆01/10/2009 11:58:00]可以你唔駛去飲呢~~
你唔好一個人四圍逛喎! 冇食早餐好易暈架! 你幾多號再去飲呀? 有冇人陪到你呀?
回覆刪除[版主回覆01/10/2009 12:01:00]我都係諗住係間房入面行下, 我發現我坐係度容易嘔d, 可能屈住個身啦~~
咁都得？ 點解要飲糖水？
回覆刪除[版主回覆01/10/2009 12:03:00]
什麼'葡萄糖耐量測試'wor~~
政府都唔會驗這個喎?!
回覆刪除我知道廣華同QE都只會要超標既準媽媽驗, 又或者係家族有糖尿的先會驗!
你家族有無糖尿丫? 如果你同你家族都無, 可能係贊育先會個個驗掛?!!!!
[版主回覆01/10/2009 12:04:00]我家族冇糖尿wor~ 可能間間醫院唔同啦
杯野一定好難飲
回覆刪除好似好恐怖咁~~~
回覆刪除