一直都有在想想BB的名字,
在不知男定女都情況下,
打算男女都改定!
其實名字大致已改好了,
不過在改的過程,
也想過一些攪笑名字,
好似.........不如叫BB做B仔,
咁咪何B仔.
竟然亞樹叫亞樹,
不如生個女叫亞花,
何花都幾好聽!
另外都有諗過叫何必, 何苦, 何不, 何媽, 何方(神聖)....
哈哈.......
爸爸說要叫你做何立(要國語發音),
說夠氣勢wor!
我問他'那你改個立字有什麼意思?'
他說要頂天立地,
我仲以為佢想BB立即做功課tim!
不過BB你放心啦,
以上既名都係講下笑,
你個名又好聽又少筆劃,
第時比老師罰抄都唔駛驚!
原來呀樹姓何
回覆刪除[版主回覆10/03/2008 10:39:00]係呀, 我係何太呀!
姓何都唔算難改名
回覆刪除[版主回覆10/03/2008 10:48:00]都ok啦, 不過想改個少筆劃同單字既名
不如叫何一....夠晒少筆劃呀!
回覆刪除之後D細佬妹就一二三咁排落去, 永遠唔怕叫錯呀!
[版主回覆10/03/2008 10:49:00]有諗過叫何一架....不過叫何二唔好聽law!
臭b爸成日都講笑說，如果生仔就叫劉口水，如果生女叫劉加零。
回覆刪除妳改好妳個BB名未架，我而家仲煩緊呀!
[版主回覆10/03/2008 10:54:00]姓劉? 生囡叫劉心law.....haha
諗改名真係好煩架 , 又驚改得唔好 , 又驚多筆劃 , 我睇字典 + 婆婆意見改架
回覆刪除[版主回覆10/03/2008 11:23:00]我只係驚多筆劃
改名這家野, 真係唔容易!!! 不過你仲有時間, 祈下禱, 再慢慢諗都仲得!
回覆刪除[版主回覆10/03/2008 14:01:00]其實囡囡個名決定左, 如果係仔, 因為某d原因要再諗諗......
我鍾意你講樹仔生何花...hahaha...有意思有意思.
回覆刪除姓何既家庭就改晒d簡單名,有心心,天天,都很簡單,我真係好想知你個baby仲有冇再簡單d.
[版主回覆10/03/2008 14:12:00]但如果真係叫何花, 好大機會比同學仔笑wor! 不過同亞樹個名簡直係絕配......haha.....
我個b既名得兩個字, 如果係囡, 個名一定簡單過天心, 但仔就未決定到.......
哈哈~以上的名都幾搞笑﹗ 不過何花就麻麻，加多個字就 ok 晒， 加個停字， 何花停 ﹗哈哈﹗
回覆刪除[版主回覆10/03/2008 14:08:00]咁何花池, 何花園都得啦.......
我都好想改名呀, 奈何.仲未有好消息...!!!!
回覆刪除[版主回覆10/04/2008 07:49:00]好快有啦
何B仔
回覆刪除[版主回覆10/04/2008 07:49:00](Empty)
hihi, nice to meet u....恭喜晒呀!原來妳同我一樣係何太 即係話我地個 b 都係姓何啦
回覆刪除我都係09年的媽媽呀~~預產期係2月頭, 我地可以多多交流一下心得吖!
[版主回覆10/04/2008 07:50:00]我都add左你啦.....我地bb應該差成兩個月, 因為我預產期係3月尾
你都咪話 wall, 同 d 細路改名, 我第一時間就諗, 改 d 筆畫小 d 既名, 等佢罰抄都唔駛驚嘛, 我個名就大鑊啦, 姓連名加埋差不多40畫呀 !
回覆刪除[版主回覆10/04/2008 07:53:00]亞樹有個fd, 就係個名太多筆劃, 攪到唔鍾意寫字, 無心向學呀
又係喎 不過唔好叫花桐就得﹗ 何花桐，第日會比人改左大花桐﹗
回覆刪除[版主回覆10/04/2008 07:55:00]算啦, 我唔會改三個字既名, 所有何花x都唔會考慮....haha
你預左個仔實比人訓抄kamei? 咁不如叫何可啦, 英文係hoho, 英文名又係hoho, 既係ho ho, hoho(聖誕老人既笑聲呀) 何許(人士), 何馬, 何鮮, 何解, 何嗎(玩個隻), 何人, 何, 何先生都得喎.
回覆刪除[版主回覆10/04/2008 08:01:00]haha....都唔係既, 不過人一生當中, 寫得最多應該係自己個名掛?
叫hoho都幾攪鬼wor!! 不過中文名難發音d!
偉安個仔叫何(許 - 唔知邊個許)恆, 我話 '下? 何許人??????'
另外都有諗過叫何生先, 何小姐....haha
叫b 仔都幾得意喎....! haha~ 睇下佢大個會點對番你~
回覆刪除[版主回覆10/04/2008 08:02:00]佢會埋怨你law....haha
有無改埋英文名呀?
回覆刪除[版主回覆10/04/2008 08:03:00]囡改左, 仔就要決定左中文名先再諗
我覺得中文名難改D, 同埋依家d小朋友d名好覆雜, 有d仲唔知點讀添
回覆刪除[版主回覆10/04/2008 08:05:00]嘩, 有d我好懷疑有冇果個中文宇tim!!
還有何葉飯同何包蛋, 相信姓何的太太都想過相似的好笑名字, 不過相比起姓吳的, 我相信姓何會容易改名些, 期待知道你的囡囡或仔仔的名字
回覆刪除[版主回覆10/05/2008 20:07:00]其實個名都係一個超級普通既字..............
哈哈…改名真係唔容易呢！我自己覺得最緊要自己鍾意同有意思啦！
回覆刪除[版主回覆10/05/2008 20:13:00]無錯
我鍾意何花～～～～～
回覆刪除[版主回覆10/05/2008 20:13:00]但如果真係叫何花會比人笑架....haha
哇！如果真係叫何花咁咪好靚女吧！
回覆刪除[版主回覆10/05/2008 20:14:00]唔叫何花都可以係靚女
SORRY，呢家野我真係冇咩 IDEA，幫唔到你...... 但你可以用呢個方向諗諗...... 英文名 INITIAL: HO L.Y. 咁 HOLY...... 呢個字...... 你明啦......
回覆刪除[版主回覆10/05/2008 20:15:00]o...但我打算改單字wor
好多準父母, 生baby前, 都攪笑吓,改吓d攪笑名!
回覆刪除但要改個好名真係唔容易呀
[版主回覆10/05/2008 20:17:00]好名真係好難改.....
改名呢家嘢，真係有ｄ深度，好似亞仔咁，佢Daddy幫佢改個名係樂言，希望佢多ｄ嘢講，所以真係非常多嘢講兼且係停唔到囉！
回覆刪除[版主回覆10/05/2008 20:18:00]haha....真係多野講都爆
讓我想起前陣子星期二檔案有一集講改名, 說到名字對孩子的長大有很多影響~ 很有意思的~
回覆刪除[版主回覆10/06/2008 10:18:00]所以唔可以改d衰名呀
改名真係好頭痛架！又要想有意思又唔想咁普通！
回覆刪除[版主回覆10/06/2008 10:20:00]反而我想改d普通字, 我見有d名見到都唔識讀, 就怕怕
嘿..我就成日恨有bb..所以一早唸定英文名..但係中文名..都係到最後先諗好咋~
回覆刪除[版主回覆10/08/2008 10:10:00]你係咪男女都改定?
姓何都唔難改ar, 我果個仲難改ar!!~因為史尼王子姓鄔ga!!~hahhaha
回覆刪除[版主回覆10/08/2008 10:11:00]叫鄔卒卒啦
叫何一啦~筆劃夠少~~
回覆刪除[版主回覆10/08/2008 10:11:00]何一都有諗過架.....hhaaa
我未生果時又係改定名點知到最後夾完希希時辰八字都唔用得!唉........
回覆刪除你第時生左個bb咪叫你"何媽"!haha
唔駛驚何媽係大廳!
[版主回覆10/08/2008 12:02:00]何媽個名咁leung~~~~~no good
我心目中一早有男仔/女仔各一個英文名o架!
回覆刪除中文就無..因為改中文名要好高學問咁..
[版主回覆10/09/2008 10:17:00]好既中文名真係好難改, 所以有時見到人地d好名我都好欣賞
生第一個叫何荷吖 第二個叫何呵...加埋咪何荷呵 Ho Ho Ho 囉
回覆刪除